આ સપ્તાહે પ્રાઈમરી માર્કેટમાં રોકાણની મોટી તકો જોવા મળશે. 12 કંપનીઓ આઇપીઓ દ્વારા કુલ રૂ.8597 કરોડ એકત્ર કરવા માગે છે. જેમાં બજાજ હાઉસિંગ ફાઇનાન્સ સહિત ચાર મોટી કંપનીઓ જ 8390 કરોડ એકત્ર કરશે.

બજાજ ફાઇનાન્સનો આઇપીઓ પહેલા જ દિવસે 2.20 ગણો ભરાઇ ગયો છે. આ સિવાય 9 નાની-મધ્યમ (SME) કંપનીઓએ પણ 207 કરોડ રૂપિયા એકત્ર કરવાનો લક્ષ્યાંક છે. ઇક્વિરસના એમડી મુનીશ અગ્રવાલે જણાવ્યું કે બજારમાં ખૂબ મોમેન્ટમ છે અમે માનીએ છીએ કે IPO લોન્ચ કરનારી કંપનીઓ આ સ્થિતિનો લાભ લેવા માંગે છે.

IPOને સફળ બનાવવા માટે તેઓ 2023-24ના નાણાકીય ડેટાની મદદ લેશે જે ઘણા સારા રહ્યા છે. સેબીના નિયમો મુજબ IPOના સમયે પ્રોસ્પેક્ટસમાં નાણાકીય ડેટા 6 મહિના કરતાં ઓછો જૂનો હોવો જોઈએ. તેથી સપ્ટેમ્બર એ છેલ્લો મહિનો છે. નાણાકીય વર્ષ 2023-24ના ડેટાનો ઉપયોગ કરી શકે છે.