હિમાચલ પ્રદેશમાં ચૂંટણીના મતદાનના બે દિવસ પહેલા ભાજપ અને કોંગ્રેસનો પ્રચાર ચરમસીમાએ પહોંચ્યો. ભાજપ તરફથી વડાપ્રધાન નરેન્દ્ર મોદીએ એક રેલી યોજીને સંબોધન કર્યું હતું. તેમણે કાંગડા અને શિમલામાં કોંગ્રેસને આડે હાથ લીધી હતી.

મોદીએ કહ્યું કે, કોંગ્રેસ વિકાસની દુશ્મન છે અને ભાજપ વિકાસનું સમર્થન કરે છે. જો અમારો પક્ષ ફરી ચૂંટાશે તો લોકોને જ બેવડો લાભ મળશે. ઉત્તર પ્રદેશ, ઉત્તરાખંડ અને મણિપુરની પ્રજાએ પણ દર પાંચ વર્ષે સત્તા પરિવર્તન કરવાનો રિવાજ બદલી નાખ્યો છે.