20 ફેબ્રુઆરીએ સોના અને ચાંદીના ભાવમાં ઘટાડો જોવા મળી રહ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 24 કેરેટ સોનાના 10 ગ્રામનો ભાવ 192 રૂપિયા ઘટીને 86,541 રૂપિયા થયો છે. અગાઉ, સોનાનો ભાવ 86,733 રૂપિયા ઓલ ટાઈમ હાઈ હતો.

એક કિલો ચાંદીનો ભાવ પણ આજે 385 રૂપિયા ઘટીને 97,181 રૂપિયા પ્રતિ કિલો થયો છે. ગઈકાલે ચાંદીનો ભાવ 97,566 રૂપિયા પ્રતિ કિલો હતો. 23 ઓક્ટોબર 2024ના રોજ ચાંદી ઓલ ટાઈમ હાઈ પર પહોંચી ગઈ હતી, ત્યારે તે પ્રતિ કિલો રૂ. 99,151 પર પહોંચી ગઈ હતી.

આ વર્ષે, 1 જાન્યુઆરીથી અત્યાર સુધીમાં, 24 કેરેટ સોનાના 10 ગ્રામનો ભાવ 76,162 રૂપિયાથી વધીને 86,541 રૂપિયા થયો છે. તેમજ, ચાંદીનો ભાવ પણ 11,164 રૂપિયા વધીને 86,017 રૂપિયા પ્રતિ કિલોથી 97,181 રૂપિયા થયો છે.