ઉત્તર પ્રદેશમાં ઈદ ઉલ ફિત્રનો ચાંદ દેખાયો છે. હવે આવતીકાલે સમગ્ર રાજ્યમાં ઈદની ઉજવણી કરવામાં આવશે. લખનઉમાં મરકઝી ચાંદ કમિટીના પ્રમુખ મૌલાના ખાલિદ રશીદ ફરંગી મહલી દ્વારા આ જાહેરાત કરવામાં આવી હતી.

મરકઝી શિયા ચાંદ કમિટીના પ્રમુખ મૌલાના યાસુબ અબ્બાસ સહિત અન્ય ઉલેમાઓએ પણ કાલે ઈદ ઉજવવાની જાહેરાત કરી.

તે જ સમયે, મૌલાના ખાલિદ રશીદ ફરંગી મહલીએ રસ્તા પર નમાઝ ન પઢવાની અપીલ કરી છે. ઈદની નમાઝ પહેલા ફિત્ર (દાન) આપવાનું કહેવામાં આવે છે.

ઈદની શુભેચ્છા પાઠવતા સીએમ યોગીએ કહ્યું કે, ખુશીનો આ તહેવાર શાંતિનો સંદેશ આપે છે.

ઈદની જાહેરાત થતાં જ બજારોમાં ભીડ ઉમટી પડી ગઈ. દુકાનોમાં પગ મૂકવાની પણ જગ્યા નથી. લોકો ઈદની ખરીદી કરી રહ્યા છે.