11 એપ્રિલ (શુક્રવાર)ના રોજ સોનું સર્વકાલીન ઉચ્ચતમ સ્તર પર પહોંચી ગયું છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 24 કેરેટ સોનાના 10 ગ્રામનો ભાવ ₹2,913 વધીને ₹93,074 થયો છે. અગાઉ 10 ગ્રામ સોનાનો ભાવ ₹90,161 હતો.

આજે એક કિલો ચાંદીનો ભાવ ₹1,958 વધીને ₹92,627 પ્રતિ કિલો થયો છે. અગાઉ ચાંદીનો ભાવ ₹90,669 પ્રતિ કિલો હતો. જ્યારે 28 માર્ચે ચાંદી ₹1,00,934 ની ઊંચી સપાટીએ પહોંચી હતી અને 3 એપ્રિલે સોનાએ ₹91,205 ની ઊંચી સપાટી બનાવી હતી.

આ વર્ષે, 1 જાન્યુઆરીથી અત્યાર સુધીમાં, 24 કેરેટ સોનાના 10 ગ્રામનો ભાવ 16,912 રૂપિયા એટલે કે 22% વધીને 76,162 રૂપિયાથી વધીને 93,074 રૂપિયા થયો છે. તે જ સમયે, ચાંદીનો ભાવ પણ 6,610 રૂપિયા એટલે કે 7% વધીને 86,017 રૂપિયા પ્રતિ કિલોથી 92,627 રૂપિયા થયો છે. તે જ સમયે, ગયા વર્ષે એટલે કે 2024માં સોનું 12,810 રૂપિયા મોંઘુ થયું હતું.