દેશમાં પેટ્રોલ ડીઝલ સહિતની વિદેશી આત્મનિર્ભરતા હવે ટૂંક સમયમાં ઓછી થશે તેવું નિષ્ણાતો જણાવી રહ્યા છે. ઓઇલ મિનિસ્ટર હરદીપ સિંહ પુરીએ તાજેતરમાં કહ્યું હતું કે ભારત થોડા વર્ષો પહેલા ગયાનામાં થયેલી શોધ જેટલી જ મોટી શોધની નજીક છે.

જો રિસર્ચર્સના અંદાજ સાચા હોય, તો આંદામાન અને નિકોબાર ટાપુઓ નજીક સમુદ્રની નીચે 2 લાખ કરોડ લિટરથી પણ વધુ ક્રૂડ ઓઇલ મળી શકે છે. તે ખૂબ મોટી માત્રા છે, અને જો તેનો ઉપયોગ કરી શકાય, તો તે ભારતને પૈસા બચાવવા, તેલની આયાત ઘટાડવા અને ભવિષ્યમાં $20 ટ્રિલિયન અર્થતંત્ર બનવાની નજીક જવા માટે ખૂબ મોટી મદદ કરી શકે છે.

હાલમાં, ભારત તેના ક્રૂડ ઓઇલના 85% થી વધુ અન્ય દેશોમાંથી આયાત કરે છે. આનો અર્થ એ છે કે ક્રૂડ ખરીદવા માટે ઘણા પૈસા દેશની બહાર જાય છે. પરંતુ જો ભારત પોતાની જમીન અથવા સમુદ્રમાંથી વધુ તેલ ઉત્પન્ન કરી શકે છે તો તે આ કેપિટલને દેશમાં રાખી શકે છે અને બળતણને વધુ સસ્તું બનાવીને વ્યવસાયો, લોકો અને ખેડૂતોને મદદ કરી શકે છે. જોકે, તેલ શોધવું એ ફક્ત પહેલું પગલું છે.

સમુદ્રની ઊંડાઈમાંથી તેલ કાઢવું ખર્ચાળ છે; અને સમય માંગી લે તેવું કામ છે. ઊંડા સમુદ્રમાં ડ્રિલિંગ માટે ઘણા પૈસા અને ઉચ્ચ-સ્તરીય ટેકનોલોજીની જરૂર છે. એટલા માટે સરકારે આ ક્ષેત્રોને વૈશ્વિક કંપનીઓ અને નિષ્ણાતોને કામમાં મદદ કરવા માટે ખુલ્લા મૂક્યા છે. ક્રૂડનું આયાત બીલ ઘટે તે પર ફોકસ છે.