ભારત ઓક્ટોબરના પહેલા અઠવાડિયામાં 'કોલ્ડ સ્ટાર્ટ' નામનો એક મોટો લશ્કરી અભ્યાસ કરવાનો છે. આ અભ્યાસમાં ડ્રોન અને કાઉન્ટર-ડ્રોન સિસ્ટમનું પરીક્ષણ કરવામાં આવશે. આ અભ્યાસ આપણી હવાઈ સંરક્ષણ પ્રણાલીની મજબૂતાઈ અને ક્યાં સુધારાની જરૂર છે તેનું મૂલ્યાંકન કરશે.

ધ હિન્દુના એક અહેવાલ મુજબ, આ કવાયત ઓપરેશન સિંદૂર પછીની સૌથી મોટી તૈયારી હશે.

મંગળવારે દિલ્હીમાં આયોજિત 'કાઉન્ટર યુએવી અને એર ડિફેન્સ સિસ્ટમ્સ' કોન્ફરન્સમાં બોલતા એર માર્શલ આશુતોષ દિક્ષિતે પાકિસ્તાનનો ઉલ્લેખ કરતા કહ્યું કે તેઓ પણ ભારત જેવા બનવાનો પ્રયાસ કરી રહ્યા છે, પરંતુ આપણે હંમેશા એક ડગલું આગળ રહેવું પડશે.

દિક્ષિતે કહ્યું- 5-6 વર્ષમાં ભારતમાં 10 હજારથી વધુ ડ્રોન હશે

એર માર્શલે કહ્યું PHD ચેમ્બર ઓફ કોમર્સ એન્ડ ઇન્ડસ્ટ્રી (PHDCCI)નો અંદાજ છે કે આગામી 5-6 વર્ષમાં ભારતમાં 10,000થી વધુ ડ્રોન હશે. આ અંદાજ HQ IDSના ટેકનોલોજી રોડમેપ રિપોર્ટ પર આધારિત છે.

એર માર્શલ દિક્ષિતે વધુમાં જણાવ્યું હતું કે, કોન્ફરન્સમાં 'ઓપરેશન સિંદૂર' પર પણ ચર્ચા કરવામાં આવી હતી, જેમાં ભારતની કાઉન્ટર-ડ્રોન અને હવાઈ સંરક્ષણ તકનીકોની સફળતા પર પ્રકાશ પાડવામાં આવ્યો હતો.