ભારતમાં 18થી 25 વર્ષની વયના Jio યુઝર્સને હવે મફત Gemini Pro સબ્સ્ક્રિપ્શન મળશે. રિલાયન્સની પેટાકંપની, રિલાયન્સ ઇન્ટેલિજન્સ લિમિટેડે આ સેવા માટે Google સાથે ભાગીદારી કરી છે. ₹35,000ની કિંમતની આ પ્રીમિયમ સેવા, યુઝર્સને 18 મહિના માટે મફતમાં ઉપલબ્ધ રહેશે.

આ પ્લાન વિદ્યાર્થીઓને જેમિની 2.5 પ્રો, 2TB ક્લાઉડ સ્ટોરેજ અને વીડિયો બનાવવા માટે Veo3 નું સબ્સ્ક્રિપ્શન જેવા અદ્યતન AI ટૂલ્સની ઍક્સેસ આપે છે. આ ઓફર આજથી શરૂ થાય છે

જેમિની 2.5 પ્રો: આ ગુગલનું સૌથી શક્તિશાળી AI મોડેલ છે. તે નિબંધ લેખન, કોડિંગ સમસ્યાનું નિરાકરણ, પરીક્ષાની તૈયારી અને નોકરીના ઇન્ટરવ્યૂની પ્રેક્ટિસમાં પણ મદદ કરે છે.
2TB ક્લાઉડ સ્ટોરેજ: આ સ્ટોરેજનો ઉપયોગ Google ડ્રાઇવ, ફોટા અને Gmail દ્વારા થાય છે. વપરાશકર્તાઓ સરળતાથી પ્રોજેક્ટ્સ અને વ્યક્તિગત ફાઇલો સ્ટોર કરી શકે છે.
વીઓ 3 ફાસ્ટ: આ એઆઈ-સંચાલિત ટૂલ ટેક્સ્ટ અને ઈમેજમાંથી 8-સેકન્ડના ફોટોરિયાલિસ્ટિક વીડિઓઝ બનાવી શકે છે. તેમાં સંવાદ અને ધ્વનિ અસરો પણ શામેલ હશે. તે સર્જનાત્મક પ્રોજેક્ટ્સ માટે ઉપયોગી છે.