માનવતા વિરુદ્ધના ગુનાના કેસમાં બાંગ્લાદેશના ભૂતપૂર્વ વડાપ્રધાન શેખ હસીનાને સજા સંભળાવવાના બે દિવસ પહેલા, આગચંપી અને હિંસાની સતત ઘટનાઓને પગલે રાજધાની ઢાકામાં સુરક્ષા કડક કરવામાં આવી છે.

હસીનાના સમર્થકોએ ઢાકા સહિત પાંચ જિલ્લામાં હાઇવે જામ કરી દીધા છે. સરકારે કાયદો અને વ્યવસ્થા જાળવવા માટે શહેરમાં 12 વધારાના બોર્ડર ગાર્ડ બાંગ્લાદેશ (BGB) યુનિટ તહેનાત કર્યા છે, અને તેઓ સતત પેટ્રોલિંગ કરી રહ્યા છે.

BGB મુખ્યાલયના જણાવ્યા અનુસાર, રાજધાનીના મુખ્ય વિસ્તારોમાં અર્ધલશ્કરી દળોની તહેનાતી વધારી દેવામાં આવી છે, જ્યાં હાલના દિવસોમાં વાહનોમાં આગચંપી અને તોડફોડની ઘટનાઓ નોંધાઈ છે.

અગાઉ, બાંગ્લાદેશ સરકારે પરિસ્થિતિને નિયંત્રિત કરવા અને કોઈપણ પ્રકારની અરાજકતાને રોકવા માટે ઢાકા અને આસપાસના જિલ્લાઓમાં BGBની 14 ટુકડીઓ તહેનાત કરી હતી.