4 ડિસેમ્બરે સેન્સેક્સ 159 પોઈન્ટ વધીને 85,265 પર બંધ થયો. નિફ્ટી પણ 48 પોઈન્ટ વધીને 26,034 પર બંધ થયો.

સેન્સેક્સના 30માંથી 20 શેરમાં તેજી રહી. નિફ્ટીના 50માંથી 34 શેર વધીને બંધ થયા. ઓટો, IT અને રિયલ્ટી શેરોમાં સૌથી વધુ તેજી જોવા મળી. મીડિયા શેરોમાં 1.45%નો ઘટાડો થયો.

મીશોના IPOનો આજે બીજો દિવસ છે. ગઈકાલે એટલે કે 3 ડિસેમ્બરે તે સબસ્ક્રિપ્શન માટે ખુલ્યો હતો અને પહેલા જ દિવસે 2.35 ગણો (235%) સબસ્ક્રાઇબ થયો હતો. તેનો રિટેલ પોર્શન 1 કલાકમાં 100% સબસ્ક્રાઇબ થઈ ગયો હતો અને પહેલા દિવસે 3.86 ગણો એટલે કે 386% સબસ્ક્રાઇબ થયો હતો.

રોકાણકારોના આ રિસ્પોન્સથી મીશોના શેરનો GMP વધીને 51 રૂપિયા થઈ ગયો, જે ગઈકાલ સુધી 47 રૂપિયા હતો. કંપનીએ ઇશ્યૂનો પ્રાઇસ બેન્ડ ₹105-₹111 પ્રતિ શેર નક્કી કર્યો છે. લોટ સાઈઝ 135 શેરની છે. રિટેલ રોકાણકારો 5 ડિસેમ્બર સુધી ઓછામાં ઓછા 14,685 રૂપિયાથી રોકાણ કરી શકે છે.