સોના-ચાંદીના ભાવ આજે એટલે કે 29 ડિસેમ્બરે સતત પાંચમા કારોબારી દિવસે ઓલટાઇમ હાઈ પર છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 10 ગ્રામ સોનાની કિંમત 205 રૂપિયા વધીને 1,38,161 પર પહોંચી ગઈ. આ પહેલા તે 1,37,956 રૂપિયા પ્રતિ 10 ગ્રામ પર હતું.

સોમવારે ચાંદીનો ભાવ MCX પર વધીને 2.54 લાખ રૂપિયા પ્રતિ કિલો સુધી પહોંચી ગયો. પરંતુ તે પછી અચાનક એક ઝટકો આવ્યો અને ચાંદીની કિંમત 21500 રૂપિયા પ્રતિ કિલો સુધી ઘટી ગઈ, એટલે કે એક ઝટકામાં સોમવારે ચાંદી 21 હજાર રૂપિયાથી વધુ સસ્તી થઈ ગઈ.

એક રીતે સોના-ચાંદી બજારમાં એક મોટો માર્કેટ ડ્રામા જોવા મળ્યો. ચાંદીના ભાવે દિવસની શરૂઆતમાં ઇતિહાસ રચ્યો અને પછી એક જ કલાકમાં 21,500 રૂપિયા સુધી ગગડી ગઈ, રોકાણકારો સમજી શકતા નથી કે આવું શું થયું, જેના કારણે ચાંદીનો ભાવ અચાનક ઘટી ગયો.

ચાંદીના ભાવમાં કેમ અચાનક ઘટાડો આવ્યો?

સવારે જ્યારે MCX પર ચાંદીના માર્ચ વાયદાના ભાવ પ્રતિ કિલો ₹2,54,174ના રેકોર્ડ સ્તરને પાર કરી ગયા, ત્યારે એવું લાગી રહ્યું હતું કે 2025નું આ છેલ્લું કારોબારી સત્ર ચાંદીના નામે જ રહેશે. પરંતુ બજારમાં પ્રોફિટ બુકિંગ શરૂ થતા જ ભાવ ઘટીને ₹2,32,663 સુધી પહોંચી ગયા. એટલે કે થોડા જ સમયમાં ચાંદીની કિંમતમાં લગભગ 21,500 રૂપિયાનો ઘટાડો થયો.

નિષ્ણાતોના જણાવ્યા મુજબ આ ઘટાડો અચાનક નથી, પરંતુ બમ્પર ઉછાળા પછી થતી સામાન્ય પ્રતિક્રિયા છે. ઘણા ટ્રેડરોએ નફો સુરક્ષિત કરવા માટે ચાંદી વેચવાનું શરૂ કર્યું, જેના કારણે બજારમાં ઘટાડાની ગતિ વધુ તેજ બની ગઈ.