બાંગ્લાદેશમાં 44 વર્ષીય એક હિંદુ વિધવા મહિલા પર ગેંગરેપ કરવામાં આવ્યો. આરોપીઓએ રેપ કર્યા બાદ તેને ઝાડ સાથે બાંધીને માર માર્યો. આ ઘટના બાંગ્લાદેશના ઝેનાઈદહ જિલ્લાના કાલીગંજ વિસ્તારમાં બની હતી. પોલીસે આ મામલે એક આરોપીની ધરપકડ કરી છે અને બાકીના આરોપીઓની શોધખોળ ચાલુ છે.

પીડિત મહિલાએ સોમવારે બપોરે કાલીગંજ પોલીસ સ્ટેશનમાં 4 લોકો વિરુદ્ધ ફરિયાદ નોંધાવી હતી. પોલીસે જે એક આરોપી હસન (ઉં.વ.45)ને કસ્ટડીમાં લીધો છે, તે તે જ વિસ્તારના એક ગામનો રહેવાસી છે.

આરોપ છે કે આ દરમિયાન મહિલાના વાળ કાપી નાખવામાં આવ્યા, તેની સાથે મારપીટ કરવામાં આવી અને સમગ્ર ઘટનાનો મોબાઈલ ફોનથી વીડિયો બનાવવામાં આવ્યો.