ટાટા ગ્રુપની માલિકીની એરલાઇન એર ઇન્ડિયામાં મોટા ફેરફારોની તૈયારી ચાલી રહી છે. રિપોર્ટ્સ અનુસાર, એર ઇન્ડિયાના વર્તમાન CEO અને મેનેજિંગ ડિરેક્ટર (MD) કેમ્પબેલ વિલ્સનને હટાવવામાં આવી શકે છે.

ટાટા સન્સના ચેરમેન એન ચંદ્રશેખરન એરલાઇનની કમાન સંભાળવા માટે એક નવા CEOની શોધ કરી રહ્યા છે. વિલ્સનનો કાર્યકાળ પડકારોથી ભરેલો રહ્યો છે, જેમાં ટેકનિકલ સમસ્યાઓ અને સર્વિસ ક્વોલિટીને લઈને સતત ઉઠી રહેલા પ્રશ્નોનો સમાવેશ થાય છે.

વિસ્તારાના મર્જર પછી નેતૃત્વમાં બદલાવની ચર્ચા

એર ઇન્ડિયા અને વિસ્તારાના તાજેતરના મર્જર પછી, ટાટા ગ્રુપ એરલાઇનના ઓપરેશન્સને વધુ પ્રોફેશનલ અને સ્મૂથ બનાવવા માંગે છે. ઇન્ડસ્ટ્રી એક્સપર્ટ્સનું માનવું છે કે મર્જર પછી મેનેજમેન્ટમાં બદલાવ થવો સ્વાભાવિક છે.

કંપની હવે એવા લીડરની શોધમાં છે જે એર ઇન્ડિયાના ગ્લોબલ ફૂટપ્રિન્ટને મજબૂતી આપી શકે અને કસ્ટમર સર્વિસના ઘટતા ગ્રાફને સંભાળી શકે.

વિલ્સનના કાર્યકાળમાં બની ઘણી મોટી ઘટનાઓ

ન્યુઝીલેન્ડના કેમ્પબેલ વિલ્સન જૂન 2022માં એર ઇન્ડિયા સાથે જોડાયા હતા. તેમના કાર્યકાળ દરમિયાન, એર ઇન્ડિયાએ 470 નવા વિમાનોનો ઐતિહાસિક ઓર્ડર આપ્યો હતો, પરંતુ તેની સાથે ઘણા વિવાદો પણ જોડાયેલા રહ્યા.

'પેશાબ કાંડ' જેવી ઘટનાઓ અને કેબિનની ખરાબ હાલત (તૂટેલી સીટો, કામ ન કરતી સ્ક્રીન) એ એરલાઇનની છબીને નુકસાન પહોંચાડ્યું. સોશિયલ મીડિયા પર મુસાફરો અવારનવાર ફ્લાઇટ્સમાં વિલંબ અને ખરાબ સેવાને લઈને કેમ્પબેલ વિલ્સનના નેતૃત્વ પર સવાલો ઉઠાવતા રહ્યા છે.