ઇન્સ્ટાગ્રામ અને વોટ્સએપની પેરેન્ટ કંપની મેટા આજે તેના લગભગ 600 કર્મચારીઓની છટણી કરી શકે છે. કંપનીના રિયાલિટી લેબ વિભાગમાં કામ કરતા કર્મચારીઓ સામે આ કાર્યવાહી કરવામાં આવશે. આ વિભાગમાં, Facebook એજિલ સિલિકોન ટીમ એટલે કે FAST, કંપની માટે કસ્ટમ ચિપસેટ્સનું પ્રોડક્શન કરે છે. રોયટર્સના એક અહેવાલમાં આ માહિતી આપવામાં આવી છે.

ચિપસેટ બનાવતા હાઇ સ્કીલ્ડ કર્મચારીઓને છૂટા કરવામાં આવશે
ફાસ્ટ યુનિટમાં લગભગ 600 કર્મચારીઓ કામ કરે છે. આ એકમ મેટા ઉત્પાદનોની કામગીરી અને કાર્યક્ષમતા વધારવા માટે કસ્ટમ ચિપ્સનું ઉત્પાદન કરે છે. પરંતુ તાજેતરના સમયમાં આ યુનિટ બજારની સ્પર્ધા અનુસાર ચિપસેટ બનાવી શક્યું નથી.

આ કારણે, તે તેના હાલના ઉપકરણો માટે ચિપ્સ બનાવવા માટે ક્વાલકોમ તરફ વળે છે. અહેવાલ જણાવે છે કે કંપનીના ફાસ્ટ યુનિટના પુનર્ગઠનની અપેક્ષા રાખવામાં આવી રહી હતી ત્યારથી કંપનીએ તેનું નેતૃત્વ કરવા માટે એક નવા એક્ઝિક્યુટિવની નિમણૂક કરી હતી.