પીએમ મોદી ગુરુવારે મોડી રાત્રે (ભારતીય સમય મુજબ શુક્રવારે સવારે 3 વાગ્યે) વ્હાઇટ હાઉસ પહોંચ્યા અને અમેરિકાના રાષ્ટ્રપતિ ડોનાલ્ડ ટ્રમ્પને મળ્યા. બંને નેતાઓ વચ્ચે મુલાકાત થઈ.

ટ્રમ્પે ટેરિફ મુદ્દે મોદીની પ્રશંસા કરી અને તેમને એક ટફ નેગોશિએટર ગણાવ્યા. તેમણે પીએમ મોદીને પોતાના મિત્ર ગણાવ્યા અને કહ્યું કે તેઓ સારું કામ કરી રહ્યા છે.

ટ્રમ્પે ભારતને F-35 ફાઇટર જેટ આપવાની જાહેરાત કરી. આ સાથે તેમણે 2008ના મુંબઈ હુમલાના આતંકવાદી તહવ્વુર રાણાને ભારત મોકલવાની પણ વાત કરી.

જ્યારે, પીએમ મોદીએ ટ્રમ્પને બીજી વખત અમેરિકાના રાષ્ટ્રપતિ તરીકે ચૂંટાવા બદલ અભિનંદન પાઠવ્યા. એક પ્રશ્નના જવાબમાં મોદીએ કહ્યું કે ટ્રમ્પ સાથે ફરીથી કામ કરવાની તક મળી તે ખુશીની વાત છે. મોદીએ કહ્યું કે તેમની અને ટ્રમ્પ વચ્ચેની મુલાકાતનો અર્થ એક અને એક અગિયાર થાય છે.