(23 સપ્ટેમ્બર) ડોલર સામે રૂપિયો અત્યાર સુધીના સૌથી નીચલા સ્તરે પહોંચી ગયો. સવારના કારોબારમાં તે 88.49 પર પહોંચી ગયો, જે બે અઠવાડિયા પહેલાના 88.46ના તેના સર્વકાલીન નીચલા સ્તરને વટાવી ગયો.

સવારે ડોલર સામે રૂપિયો 10 પૈસા ઘટીને 88.41 પર ખુલ્યો હતો. સોમવારે ડોલર સામે રૂપિયો 12 પૈસા ઘટીને 88.31 પર બંધ થયો હતો. એશિયન બજારોમાં ડોલરમાં થોડો ઘટાડો થવા વચ્ચે આ ઘટાડો આવ્યો છે.

નિષ્ણાતોના મતે એશિયન ચલણોની નબળાઈ અને અમેરિકન ડોલરની મજબૂતાઈને કારણે રૂપિયામાં ઘટાડો થયો છે. આ ઉપરાંત અમેરિકન ટેરિફ અને H1B વિઝા ફીમાં $100,000 સુધીનો વધારો થવાથી રૂપિયાને બેવડો ફટકો પડ્યો છે.