ટ્રમ્પના 25% વધારાના ટેરિફ બાદ, ભારતીય સરકારી માલિકીની કંપનીઓએ રશિયા પાસેથી ક્રૂડ ઓઇલની ખરીદી ઘટાડી છે. ડેટા રિસર્ચ એજન્સી કેપ્લરના જણાવ્યા મુજબ, ભારત પેટ્રોલિયમ (BPCL) અને ઇન્ડિયન ઓઇલ (IOC) જેવી સરકારી માલિકીની ઓઇલ રિફાઇનર્સે સપ્ટેમ્બરમાં સરેરાશ 6.05 લાખ બેરલ પ્રતિ દિવસ (bpd) રશિયન ઓઇલ આયાત કર્યું હતું.

આ ઓગસ્ટની સરખામણીમાં 32% ઘટાડો દર્શાવે છે. આ કંપનીઓએ જૂનની સરખામણીમાં 45% જેટલું ઓછું ઓઇલ ખરીદ્યું. આ ઘટાડેલી ખરીદીને કારણે, સપ્ટેમ્બરમાં રશિયામાંથી કુલ ક્રૂડ ઓઇલની આયાતમાં 6%નો ઘટાડો થયો. નિષ્ણાતો માને છે કે આ ઘટાડો યુએસ દબાણનો સામનો કરવા અને પુરવઠામાં વૈવિધ્ય લાવવા માટે કરવામાં આવ્યો હતો.

સપ્ટેમ્બરમાં ખાનગી રિફાઇનર્સ દ્વારા આયાત વધીને9.7 લાખ બેરલ પ્રતિ દિવસ (bpd) થઈ, જે એપ્રિલથી ઓગસ્ટ દરમિયાન તેમની સરેરાશ કરતાં 4% અને ઓગસ્ટ દરમિયાન 8% વધુ છે. આ આંકડા દર્શાવે છે કે ખાનગી રિફાઇનર્સે તેમના 60%થી વધુ ઓઓઈલ રશિયા પાસેથી ખરીદ્યું હતું.

આ મુખ્યત્વે સસ્તા રશિયન ઓઈલ દ્વારા થતા નફાને કારણે છે. ખાનગી કંપનીઓ ક્રૂડ ઓઈલમાંથી પેટ્રોલિયમ ઉત્પાદનોનું ઉત્પાદન કરીને અને તેને અન્ય દેશોમાં નિકાસ કરીને નફો કમાય છે. જો કે, સરકારી માલિકીની કંપનીઓ મોટાભાગે સ્થાનિક હેતુઓ માટે રશિયન ઓઈલનો ઉપયોગ કરે છે.