ભારતના પૂર્વ મુખ્ય ન્યાયાધીશ (CJI) જસ્ટિસ એન.વી. રમનાએ જણાવ્યું હતું કે તેમના પર દબાણ લાવવા માટે તેમના પરિવારના સભ્યો સામે કેસ દાખલ કરવામાં આવ્યા હતા. તેઓ શનિવારે અમરાવતીમાં VIT-AP યુનિવર્સિટીના પાંચમા દીક્ષાંત સમારોહમાં બોલ્યા હતા.

આંધ્રપ્રદેશમાં અગાઉની YSRCP સરકારનું નામ લીધા વિના, જસ્ટિસ રમનાએ કહ્યું કે બંધારણીય મૂલ્યોનું સમર્થન કરનારા ન્યાયતંત્રના સભ્યોને પણ દબાણ અને ઉત્પીડનનો સામનો કરવો પડ્યો હતો.

ભૂતપૂર્વ CJI 2019-24ના ખેડૂત આંદોલનનો ઉલ્લેખ કરી રહ્યા હતા જેમાં ખેડૂતો તત્કાલીન વાયએસ જગનમોહન રેડ્ડી સરકારના અમરાવતીને બદલે ત્રણ રાજધાની બનાવવાના પ્રસ્તાવનો વિરોધ કરી રહ્યા હતા.

રેડ્ડી સરકારે વિશાખાપટ્ટનમને વહીવટી રાજધાની, અમરાવતીને વિધાનસભા રાજધાની અને કુર્નૂલને ન્યાયિક રાજધાની બનાવવાનો પ્રસ્તાવ મૂક્યો હતો.