16મી ઓક્ટોબરથી ઓસ્ટ્રેલિયામાં ટી-20 વર્લ્ડ કપનું આયોજન થવા જઈ રહ્યું છે. ત્યારે વર્લ્ડ કપ પહેલા ટીમ ઈન્ડિયાની નવી જર્સી લૉન્ચ કરવામાં આવી છે. 18 સપ્ટેમ્બરે મુંબઈમાં ઈન્ડિયન ક્રિકેટ ટીમના ઓફિશિયલ કિટ પાર્ટનર MPL સ્પોર્ટ્સ દ્વારા નવી જર્સી લૉન્ચ કરાઈ છે. છેલ્લી ટી-20 વર્લ્ડ કપમાં ઈન્ડિયન ટીમની જર્સી નેવી બ્લૂ કલરમાં હતી. જો કે નવી જર્સીનો કલર લાઈટ બ્લૂ છે. ઉપરાંત ખભા ઉપર ડાર્ક બ્લૂ કલરનો પણ સમાવેશ કરવામાં આવ્યો છે. ખાસ વાત એ છે કે હવે ટી-20માં ભારતીય મહિલા ટીમની જર્સીનો કલર પણ સ્કાય બ્લૂ જ રહેશે. BCCIએ ટ્વીટ કરીને નવી જર્સીની તસવીર શેર કરી હતી

જર્સીના લોન્ચિંગ પહેલા MPL સ્પોર્ટ્સે સોશિયલ મીડિયા પર આ ઈવેન્ટની માહિતી આપી હતી. MPLએ એક વીડિયો જાહેર કર્યો હતો જેમાં કેપ્ટન રોહિત શર્મા, હાર્દિક પંડ્યા અને શ્રેયસ અય્યરે ચાહકો પાસેથી સૂચનો માંગ્યા હતા અને કહ્યું હતું કે તેઓ તેમની પસંદગીની જર્સી બનાવી શકે છે.