ટેક કંપની એસ્ટ્રોનોમરના ભૂતપૂર્વ સીઈઓ એન્ડી બાયર્ન, જેમનો વીડિયો કોલ્ડપ્લે કોન્સર્ટ પછી વાઇરલ થયો હતો, તે હવે એક નવા વિવાદમાં ફસાઈ ગયા છે. આ વખતે બાયર્ન એડલ્ટ કન્ટેન્ટ બનાવતી પ્લેટફોર્મ 'ઓન્લી-ફેન્સ' સાથે સંકળાયેલા હોવાનું જાણવા મળ્યું છે.

મીડિયા રિપોર્ટ્સ અનુસાર, કોલ્ડપ્લે કોન્સર્ટ વિવાદ પછી, બાયર્ને ઓન્લી-ફેન્સ સાથે સંકળાયેલા મોડેલો સાથે વીડિયો કૉલિંગ અને વિશિષ્ટ ઘનિષ્ઠ વીડિયોઝ માટે સબ્સ્ક્રિપ્શન પર 22 દિવસમાં $250,000 (લગભગ રૂ. 2.2 કરોડ) ખર્ચ્યા.

એન્ડી બાયર્ને 23 વર્ષીય ઓન્લી-ફેન્સ મોડેલ સાથે વીડિયો કોલ પર 40 હજાર ડોલર એટલે કે લગભગ 35 લાખ રૂપિયા ખર્ચ્યા છે.

ઓન્લી-ફેન્સ પુખ્ત વયના લોકો માટે જાણીતું છે ઓન્લી-ફેન્સ એક સબ્સ્ક્રિપ્શન-આધારિત સોશિયલ મીડિયા પ્લેટફોર્મ છે. ઓન્લી-ફેન્સ પર ઘણા પ્રકારના ક્રિએટર્સ છે. આમાં સંગીતકારો, ફિટનેસ ટ્રેનર્સ, શેફ, કલાકારોનો સમાવેશ થાય છે. પરંતુ તે એડલ્ટ કન્ટેન્ટ માટે જાણીતું છે, ખાસ કરીને સેક્સ વર્કર્સ અને પુખ્ત મનોરંજન કરનારાઓ જે બોલ્ડ ફોટા, વીડિયોઝ અને લાઇવ સ્ટ્રીમ્સ પોસ્ટ કરે છે.

યુઝર્સ સબ્સ્ક્રાઇબ કરીને તેનું કન્ટેન્ટ જોઈ શકે છે. તે 2016માં લોન્ચ કરવામાં આવ્યું હતું. કોવિડ દરમિયાન તેની લોકપ્રિયતા ઘણી વધી હતી. હાલમાં, તેના 40 લાખથી વધુ ક્રિએટર્સ અને 30 કરોડથી વધુ ફોલોઅર્સ છે.