ન્યૂઝીલેન્ડ અને ભારત વચ્ચેની 3 મેચની વન-ડે સિરીઝની પહેલી મેચ આજે ઓકલેન્ડના ઈડન પાર્કમાં રમાઈ રહી છે. જેમાં ન્યૂઝીલેન્ડે ટૉસ જીતીને પહેલા ફિલ્ડિંગ કરવાનો નિર્ણય કર્યો છે. જેમાં ટીમ ઈન્ડિયાના ઓપનર્સે શાનદાર શરૂઆત અપાવી હતી. ટીમ ઈન્ડિયાએ પાવરપ્લે સુધીમાં વિના વિકેટે 40 રન બનાવ્યા હતા. આ પછી બન્ને ઓપનર્સે ટીમના સ્કોરકાર્ડને ફરતું રાખ્યું હતું અને બન્ને વચ્ચે 21 ઓવર સુધીમાં 100+ની પાર્ટનરશિપ થઈ હતી. કેપ્ટન શિખર ધવને પોતાના વન-ડે કરિયરની 39મી ફિફ્ટી ફટકારી હતી.

શુબમન ગિલ 50 રન કરીને લોકી ફર્ગ્યુસનની બોલિંગમાં આઉટ થયો હતો. શિખર ધવન પણ 77 બોલમાં 72 રન બનાવીને આઉટ થયા હતા. ટિમ સાઉધીએ તેમની વિકેટ લીધી હતી. ઓપનર્સે શાનદાર શરૂઆત અપાવી હતી. જોકે તેઓ બન્ને આઉટ થતા, ટીમની ઇનિંગ ધીમી થઈ ગઈ હતી. લોકી ફર્ગ્યુસને એક જ ઓવરમાં બે વિકેટ લેતા પહેલા રિષભ પંત અને પછી સૂર્યકુમાર યાદવને આઉટ કર્યો હતો. લોકી ફર્ગ્યુસને અત્યારસુધીમાં આ ત્રીજી વિકેટ લીધી હતી.