ICICI બેંકના ખાતાધારકોને રાહત આપતા, મિનિમમ બેલેન્સ ઘટાડીને 15 હજાર કરવામાં આવ્યું છે. અગાઉ, કંપનીએ ગ્રાહકોને ઓછામાં ઓછું 50 હજાર રૂપિયાનું મિનિમમ બેલેન્સ જાળવવા કહ્યું હતું.

નવા આદેશ મુજબ, આ મર્યાદા અર્ધ-શહેરી (નાના શહેરો)માં ₹ 7,500 અને ગ્રામીણ વિસ્તારોમાં ₹ 2,500 પહેલાની જેમ જ રહેશે. જો બેલેન્સ આનાથી ઓછું હોય તો ગ્રાહકોને દંડ ચૂકવવો પડી શકે છે. નવો નિયમ 1 ઓગસ્ટ, 2025 પછી ખોલવામાં આવેલા નવા ખાતાઓ પર લાગુ થશે.

મંગળવારે, RBI ગવર્નર સંજય મલ્હોત્રાએ જણાવ્યું હતું કે બચત ખાતામાં રાખવાની લઘુત્તમ રકમ બેંકો નક્કી કરે છે, RBIનો આમાં કોઈ હાથ નથી. તેમણે ગુજરાતમાં નાણાકીય સમાવેશ સંબંધિત એક કાર્યક્રમ દરમિયાન પત્રકારોના પ્રશ્નના જવાબમાં આ વાત કહી.