કોલકાતા ટેસ્ટના પહેલા દિવસે સાઉથ આફ્રિકા સામે ભારત 122 રનથી આગળ છે. શુક્રવારે ખરાબ લાઇટને કારણે વહેલા સ્ટમ્પ કરી દેવામાં આવ્યું. દિવસમાં 75 ઓવર જ નાખવામાં આવી. 10 ઓવર બાકી રહી ગઈ. દિવસની રમતના અંત થવા સુધીમાં ભારતે એક વિકેટે 37 રન બનાવી લીધા છે. કેએલ રાહુલ 13 અને વોશિંગ્ટન સુંદર 6 રન બનાવીને અણનમ પરત ફર્યા. ઓપનર યશસ્વી જયસ્વાલ 12 રન બનાવીને આઉટ થયો. તેને માર્કો યાન્સેને બોલ્ડ કર્યો.

ઈડન ગાર્ડન્સ સ્ટેડિયમમાં કેપ્ટન ટેમ્બા બાવુમાએ ટૉસ જીતીને બેટિંગ પસંદ કરી, પરંતુ ટીમે પહેલા જ કલાકમાં ઓપનર્સની વિકેટ ગુમાવી દીધી હતી. ટી-બ્રેક સુધી ટીમના 8 બેટર્સ પેવેલિયન પરત ફરી ચૂક્યા હતા. છેલ્લા સેશનના ત્રીજા જ ઓવરમાં જસપ્રીત બુમરાહે સાયમન હાર્મર અને કેશવ મહારાજની વિકેટ લઈને આફ્રિકી ટીમને 159 રન પર ઓલઆઉટ કરી દીધી.

બુમરાહે ટેસ્ટ કરિયરમાં 16મી વાર એક ઇનિંગ્સમાં 5 વિકેટ ઝડપી છે. મોહમ્મદ સિરાજ અને કુલદીપ યાદવને 2-2 વિકેટ મળી. એક વિકેટ અક્ષર પટેલના ખાતામાં ગઈ. ઓપનર એડન માર્કરમે સૌથી વધુ 31 રન બનાવ્યા.