ત્રિશા જોલી અને ગાયત્રી ગોપીચંદની જોડીએ સૈયદ મોદી ઇન્ટરનેશનલ 2025 બેડમિન્ટન ટુર્નામેન્ટનો વિમેન્સ ડબલ્સનો ખિતાબ જીતી લીધો. ભારતીય જોડીએ રવિવારે રમાયેલી ફાઇનલમાં જાપાની જોડીને હરાવી ટાઇટલ ડિફેન્ડ કર્યું.

વર્લ્ડ રેન્કિંગમાં 14મા નંબરની આ ભારતીય જોડીએ લખનૌના બાબુ બનારસી દાસ ઇન્ડોર સ્ટેડિયમમાં જાપાનની કાહો ઓસાવા અને માઈ તાનાબેને 17-21, 21-13, 21-15થી હરાવ્યા. આ મુકાબલો 1 કલાક 16 મિનિટ સુધી ચાલ્યો.

જ્યારે, પૂર્વ વર્લ્ડ નંબર-1 કિદામ્બી શ્રીકાંતને મેન્સ સિંગલ્સ ફાઇનલમાં હોંગકોંગના જેસન ગુણાવાન સામે 16-21, 8-21, 22-10થી હાર મળી.

પહેલી ગેમ હાર્યા બાદ જીતી ભારતીય જોડી પહેલી ગેમમાં ત્રિશા જોલી અને ગાયત્રી ગોપીચંદ ઇન્ટરવલ સુધી 11-9થી પાછળ હતી અને પોતાનો પહેલી ગેમ હારી ગઈ. જોકે, ભારતીય બેડમિન્ટન જોડી બીજા ગેમમાં વાપસી કરવામાં સફળ રહી. ઇન્ટરવલ પર તેઓ 11-5થી આગળ હતી અને મેચને ત્રીજા ગેમમાં લઈ જવામાં સફળ રહી.

આ પછી આ ભારતીય જોડીએ નિર્ણાયક ગેમમાં શાનદાર પ્રદર્શન કરતા 11-5ની લીડ લીધા બાદ મેચ જીતીને સતત બીજી વખત સૈયદ મોદી ઇન્ટરનેશનલ ખિતાબ પોતાના નામે કર્યો.