ભારતના હરિયાણાના જેવલિન થ્રોઅર, ઓલિમ્પિક મેડલ વિજેતા ગોલ્ડન બોય નીરજ ચોપરાની 25 ડિસેમ્બરે રિસેપ્શન પાર્ટી રાખવામાં આવી છે. કર્નાલના ધ ઈડન અને જન્નત હોલમાં 2 અલગ-અલગ કાર્યક્રમો રાખવામાં આવ્યા છે.

27 ડિસેમ્બરે દિલ્હીમાં લીલા હોટલમાં પણ રિસેપ્શન પાર્ટી રાખવામાં આવી છે. તેમાં VIP મહેમાનો હાજર રહેશે. આની પુષ્ટિ નીરજના કાકા ભીમ ચોપરાએ ભાસ્કર સાથેની વાતચીતમાં કરી.

નીરજ ચોપરા અને હિમાની મોરે મંગળવારે વડાપ્રધાન નરેન્દ્ર મોદી, પૂર્વ રાષ્ટ્રપતિ રામનાથ કોવિંદ સહિત અન્ય મોટા નેતાઓને મળીને પાર્ટીનું આમંત્રણ આપ્યું.

પાણીપતના ખંડરા ગામના રહેવાસી નીરજ ચોપરાએ સોનીપતની રહેવાસી ટેનિસ ખેલાડી હિમાની મોર સાથે 16 જાન્યુઆરી, 2025ના રોજ લગ્ન કર્યા હતા. આ લગ્ન હિમાચલ પ્રદેશના સોલનમાં એક રિસોર્ટમાં ગુપ્ત રીતે થયા હતા.