ખેલો ઈન્ડિયા યુથ ગેમ્સની 3000 મીટર રેસમાં 17 વર્ષની બુસરા ખાને ગોલ્ડ મેડલ જીત્યો છે. મધ્યપ્રદેશના સિહોરની ખેલાડીએ 10.04.29 મિનિટના સમય સાથે પ્રથમ સ્થાન મેળવ્યું હતું. રેસ પહેલા પગમાં ઈજા થઈ હતી છતાં બુસરા 10,000 રૂપિયા જીતવાની પ્રેરણા સાથે દોડી અને મેડલ જીત્યો હતો.

અહીં સુધીની સફર બુસરા માટે સરળ ન હતી. થોડા મહિના પહેલા જ બુસરાના પિતાનું ફેક્ટરી બ્લાસ્ટમાં અવસાન થયું હતું. હાલત એવી હતી કે ઘરનો સામાન પણ વેચાઈ ગયો હતો. આ પછી પણ બુસરાએ સખત મહેનત ચાલુ રાખી અને ગોલ્ડ જીત્યો.

ખેલો ઇન્ડિયા ગેમ્સ હાલમાં મધ્ય પ્રદેશમાં રાજધાની ભોપાલ સહિત વિવિધ શહેરોમાં યોજાઈ રહી છે. ભાસ્કરની ટીમ એથ્લેટ્સની પ્રેરણાત્મક કહાનીઓ વાચકો સુધી પહોંચાડવા માટે આ શહેરોની મુલાકાત લઈ રહી છે.