ભારતની સ્મૃતિ મંધાના ICC મહિલા ODI બેટ્સમેન રેન્કિંગમાં ટોચ પર પહોંચી ગઈ છે. તે દક્ષિણ આફ્રિકાની લૌરા વોલ્વાર્ડ અને ઇંગ્લેન્ડની નતાલી સિવર બ્રન્ટને પાછળ છોડીને નંબર-1 પર પહોંચી ગઈ છે. મંધાના 5 વર્ષ પછી નંબર-1 બેટ્સમેન બની હતી, તે છેલ્લે 2019માં ઇંગ્લેન્ડ સામેની શ્રેણી સમાપ્ત થયા પછી ટોચ પર પહોંચી હતી.

ઓફ સ્પિનર દીપ્તિ શર્મા બોલરો માટે ODI રેન્કિંગમાં ચોથા ક્રમે યથાવત છે. તે T20 રેન્કિંગમાં બીજા ક્રમે છે. દીપ્તિ બંને ફોર્મેટના ઓલરાઉન્ડર રેન્કિંગમાં ટોપ-4માં પણ છે.

મંધાના ટી20માં ચોથા ક્રમે ICCએ મંગળવારે મહિલા ખેલાડીઓના રેન્કિંગમાં અપડેટ કર્યું. મંધાના 1 સ્થાન ઉપર ચઢીને 727 પોઈન્ટ સાથે ટોચ પર પહોંચી ગઈ. સિવર-બ્રન્ટ પણ 1 સ્થાન ઉપર આવી ગઈ, તે અને વોલ્વાર્ટ 719 પોઈન્ટ સાથે બીજા નંબર પર યથાવત છે. ભારતની અન્ય કોઈ ખેલાડીને ટોપ-10 બેટ્સમેન રેન્કિંગમાં સ્થાન મળ્યું નથી. જેમિમા રોડ્રિગ્ઝ 15મા ક્રમે છે અને હરમનપ્રીત કૌર 16મા ક્રમે છે.

ટી20 બેટ્સમેન રેન્કિંગમાં મંધાના સિવાય કોઈ પણ ભારતીય બેટ્સમેન ટોપ-10માં સામેલ નથી. મંધાના ચોથા નંબર પર છે. ઓસ્ટ્રેલિયાની બેથ મૂની, વેસ્ટ ઈન્ડિઝની હેલી મેથ્યુસ અને ઓસ્ટ્રેલિયાની તાહલિયા મેકગ્રા ટોપ-3માં છે.