ગુજરાત યુનિવર્સિટી ટેનિસ સ્ટેડિયમ ખાતે ટેનિસ પ્રીમિયર લીગ (TPL) સીઝન 7ના બીજા દિવસની શરૂઆત એક્સાઇટેડ બીજા રાઉન્ડ સાથે થઈ. ટેનિસ કોર્ટ પર GS દિલ્હી એસિસનું વર્ચસ્વ રહ્યું, જ્યારે યશ મુંબઈ ઇગલ્સે નજીકના મુકાબલામાં SG પાઇપર્સ બેંગલુરુને હરાવી દીધું. આ રોમાંચક દિવસ દરમિયાન બોલિવૂડ અભિનેત્રી રકુલ પ્રીત સિંહ પણ ડિફેન્ડિંગ ચેમ્પિયન હૈદરાબાદ સ્ટ્રાઈકર્સને સપોર્ટ કરતી જોવા મળી હતી.

દિવસની શરૂઆત સોફિયા કોસ્ટાઉલાસ અને ઇરિના બારા વચ્ચે મહિલા સિંગલ્સ મેચથી થઈ. કોસ્ટાઉલાસે, જેણે પહેલા દિવસે શાનદાર પ્રદર્શન કર્યું હતું, તેણીએ તેનું પ્રભાવશાળી ફોર્મ ચાલુ રાખ્યું. 20 વર્ષીય બેલ્જિયન ખેલાડીએ બેઝલાઇનથી રેલીઓને નિયંત્રિત કરી, શક્તિશાળી બેકહેન્ડ દર્શાવ્યું અને સમગ્ર એક્સચેન્જમાં શાનદાર સંયમ દર્શાવ્યો. તેના સતત પ્રદર્શનથી GS દિલ્હી એસિસને મજબૂત શરૂઆત મળી અને 17-8થી વિજય મેળવ્યો. ત્યારબાદ તેણે મિક્સ્ડ ડબલ્સ કેટેગરીમાં જીવન નેદુન્ચેઝિયાન સાથે જોડી બનાવી અને 14-11થી જીત મેળવીને પોતાનો વિજય સિલસિલો જાળવી રાખ્યો.

પુરુષોની સિંગલ્સ કેટેગરીમાં, બિલી હેરિસે ડાલિબોર સ્વર્સિનાનો સામનો નજીકની હરીફાઈમાં કર્યો, જેમાં સ્વર્સિનાએ 13-12થી જીત સાથે ચેન્નાઈ સ્મેશર્સ માટે મેચ પાછી ખેંચી લીધો. જોકે, આ પછી પણ કુલ પોઈન્ટની દ્રષ્ટિએ, GS દિલ્હી એસિસના બિલી હેરિસ અને જીવન નેદુન્ચેઝિયાનની જોડીએ પુરુષોની ડબલ્સ કેટેગરીમાં 56-44 ની જીત મેળવી અને દિલ્હીનો વિજય સુનિશ્ચિત કર્યો.